Ծրագիրն իրականացվել է ԵԱՀԿ Երևանի գրասենյակի աջակցությամբ։
Ծրագրի իրականացման ժամկետը` 3 ամիս (Սեպտեմբեր 5, 2007 - Դեկտեմբեր 3, 2007)։
Ծրագիրը նպատակաուղղված է Հայաստանում տեղեկատվության մատչելիության առավել բարձր մակարդակի ապահովմանը և ՀՀ պետական մարմինների աշխատանքի թափանցիկության ու պատասխանատվության բարձրացմանը` հասարակությանը տեղեկատվությամբ ապահովելու միջոցով:
Նշված նպատակներին հասնելու համար 2007 սեպտեմբերից սկսած և 2008 թ. ընթացքում կիրականացվեն հետազոտական աշխատանքներ և հասարակայնության հետ կապերի պատասխանատու քաղաքացիական ծառայողների և ոստիկանության, պաշտպանության և ազգային անվտանգության մարմինների մամուլի պատասխանատուների համար ՏԱ վերաբերյալ վերապատրաստման ծրագրի ինստիտուցիոնալացմանն ուղղված միջոցառումներ:
Ծրագրի հիմնական նպատակը պետական մարմինների /տեղական և մարզային/ մամուլի պատասխանատուների ՏԱ վերաբերյալ գիտելիքների, ինչպես նաև ՏԱ մասին օրենսդրության կիրառման ներկա իրավիճակի գնահատումն է` քաղծառայության համակարգի և ոստիկանության, պաշտպանության և ազգային անվտանգության մարմինների մամուլի պատասխանատուների համար ՏԱ վերաբերյալ վերապատրաստման դասընթացի մեկ ընդհանուր ծրագիր մշակելու համար:
Կկազմվի հաշվետվություն հասարակայնության հետ կապերի պատասխանատու քաղաքացիական ծառայողների և ոստիկանության, պաշտպանության և ազգային անվտանգության մարմինների մամուլի պատասխանատուների ՏԱ վերաբերյալ գիտելիքների և կարիքների գնահատման մասին, որը հիմք կհանդիսանա 2008 թ. ընթացքում ՏԱ վերապատրաստման ծրագրի մշակման և ընդունման համար: