Նորություններ և իրադարձություններ
24.03.2021 ՀԱՅՏԱՐԱՐՈՒԹՅՈՒՆ
Մարտի 24-ին Ազգային ժողովը երկրորդ ընթերցմամբ և ամբողջությամբ ընդունեց «ՀՀ քաղաքացիական օրենսգրքում փոփոխություններ կատարելու մասին» ԱԺ փոխնախագահ Ալեն Սիմոնյանի օրենսդրական նախագիծը՝ եռապատկելով վիրավորանքի և զրպարտության համար նախատեսվող դրամական փոխհատուցումը՝ հասցնելով համապատասխանաբար 3 և 6 միլիոն դրամի։
22.03.2021 ՀԱՅՏԱՐԱՐՈՒԹՅՈՒՆ
Մարտի 22-ին մի խումբ հասարակական կազմակերպություններ հայտարարություններ են տարածել՝ անդրադառնալով այն հանգամանքին, որ մարտի 19-ին «Քաղաքացիական պայմանագիր» կուսակցության հիմնադիր անդամ Սարգիս Ալեքսանյանը ֆեյսբուքյան իր էջում հայհոյանք է ուղղել ՀՀ մարդու իրավունքների պաշտպան Արման Թաթոյանի հասցեին։ Կազմակերպություններն իրենց վրդովմունքն են հայտնում այդ խիստ անպարկեշտ արարքների կապակցությամբ և դատապարտում տեղի ունեցածը։
19.03.2021 ՀԱՅՏԱՐԱՐՈՒԹՅՈւՆ
Մի շարք լրագրողական հասարակական կազմակերպություններ տարածել են համատեղ հայտարարություն՝ անդրադառնալով մարտի 18-ին երևանյան սրճարաններից մեկում ՀՀ բարձր տեխնոլոգիական արդյունաբերության նախարար Հակոբ Արշակյանի կողմից «Irakanum.am» կայքի խմբագիր Փայլակ Ֆահրադյանի նկատմամբ բռնություն է գործադրելու հանգամանքին։ Կազմակերպությունները պահանջում են Կառավարությունից և «Քաղաքացիական պայմանագիր» կուսակցությունից՝ հրապարակավ դատապարտել նախարարի պահվածքը, քննարկել նրա հետագա պաշտոնավարման նպատակահարմարությունը և երաշխիքներ տալ, որ ապագայում նման դեպքերը կբացառվեն։ Իսկ իրավապահ մարմիններից՝ ուսումնասիրել միջադեպի բոլոր մանրամասները և համապատասխան իրավական գնահատական տալ կատարվածին։
16.03.2021 Ապատեղեկատվության դեմ պայքարին նվիրված վիդեոբլոգների շարքը մեկնարկել է
Ինֆորմացիայի ազատության կենտրոնը և Բազմակողմանի տեղեկատվության ինստիտուտը «Պայքար ապատեղեկատվության վիրուսի դեմ» ծրագրի շրջանակում մեկնարկել են «Ֆեյքաքաղ» վիդեոբլոգների շարքը՝ մեդիափորձագետներ Սամվել Մարտիրոսյանի և Արթուր Պապյանի մասնակցությամբ։
Ինֆորմացիայի ազատության կենտրոնը ԵՊՀ Ժուռնալիստիկայի ֆակուլտետի հետ համագործակցությամբ կազմակերպում է առցանց դասընթացների շարք՝ նվիրված հակամարտությունների ընթացքում լրագրողների աշխատանքի առանձնահատկություններին։ Իրենց գիտելիքն ու փորձը մասնակիցներին են փոխանցում բազմամյա փորձառություն ունեցող միջազգային լրագրողներ, ովքեր լուսաբանել են նաև Արցախյան 44-օրյա պատերազմը։ Նրանք կպատմեն՝ ինչպես լուսաբանել հակամարտությունները՝ նպաստելով դրա խաղաղ կարգավորմանն ու պահպանելով անձնական անվտանգությունը։
18.02.2021 ՀԱՅՏԱՐԱՐՈՒԹՅՈՒՆ
Մի շարք լրագրողական հասարակական կազմակերպություններ տարածել են համատեղ հայտարարություն՝ անդրադառնալով «edraft.am» կայքում հանրային քննարկման դրված ՀՀ դատախազության մշակած և Արդարադատության նախարարության կողմից ներկայացված՝ «ՀՀ քրեական օրենսգրքում փոփոխություն և լրացում կատարելու մասին» օրենքի նախագծին։ Կազմակերպությունները պահանջել են ՀՀ կառավարությունից՝ անհապաղ հրաժարվել «ՀՀ քրեական օրենսգրքում փոփոխություն և լրացում կատարելու մասին» օրենքի նախագծից, իսկ Օրենսդիր և գործադիր իշխանություններից՝ վերանայել անհամաչափ սահմանափակումների միջոցով լրատվական դաշտը կարգավորելու քաղաքականությունը և լայն քննարկումներ նախաձեռնել ոլորտում առաջացած նոր խնդիրների համարժեք լուծումներ գտնելու նպատակով:
