Ինֆորմացիայի ազատության կենտրոն

2015թ.-ին Ինֆորմացիայի ազատության կենտրոնի եռամսյակային սեւ ցուցակներում էր հայտնվել ՀՀ պաշտպանության նախարար Սեյրան Օհանյանը` ԻԱԿ-ի ուղարկած հարցումներն անպատասխան թողելու համար: Սեւ ցուցակում հայտնվելուց հետո, սակայն, նախարարությունը փոխեց իր գործելաոճը` տրամադրեց նախկինում անպատասխան թողած հարցումների պատասխանները, նաեւ պատշաճ պատասխաններ տրամադրեց ԻԱԿ-ի հաջորդ հարցումներին Ուստի, ՏԱ ոլորտում իր աշխատանքը բարելավելելու համար ՀՀ պաշտպանության նախարար Սեյրան Օհանյանը ներառվել է Ինֆորմացիայի ազատության կենտրոնի 2015թ.-ի Սպիտակ ցուցակում:

Իսկ հետեւյալ պաշտոնյաները 2015թ.-ի ընթացքում խախտել են մարդկանց տեղեկատվություն ստանալու իրավունքը եւ հայտնվել են ԻԱԿ-ի 2015թ.-ի Սեւ ցուցակում.

• ՀՀ էներգետիկայի և բնական պաշարների նախարար պարոն Երվանդ Զախարյան
• ՃՈ պետ պարոն Արմեն Հակոբյան
• Արթիկի քաղաքապետ պարոն Արսեն Աբրահամյան
• ՀՀ Բարձրագույն որակավորման հանձնաժողովի նախագահ տիկին Լիլիթ Արզումանյան
• "Համալսարականներ" համատիրության նախագահ պարոն Արտաշես Մամաջանյան
• “Ծարավ աղբյուր” համատիրության կառավարիչ պարոն Հովհաննես Ստեփանյան
• ՀՀ Սյունիքի մարզի ընդհանուր իրավասության դատարանի աշխատակազմի ղեկավար պարոն Գարիկ Հովհաննիսյան

Այս պաշտոնյաները 2015թ.-ի ընթացքում էականորեն խախտել են ՏԱ ժամկետները.

• ՀՀ կառավարության աշխատակազմի ղեկավար-նախարարպարոն Դավիթ Հարությունյան
• Գեղարքունիքի մարզպետ պարոն Ռաֆիկ Գրիգորյան
• ՀՀ ոստիկանության Ճանապարհային ոստիկանության նախկին պետ պարոն Արսեն Գալստյան
  
  

Մանրամասն` տես http://www.foi.am/hy/years/2015/