Ինֆորմացիայի ազատության կենտրոն

29.04.2013 - Նախագահականից դրամաշնորհներ ստացած կազմակերպությունները չեն հայտնաբերվում

ԻԱԿ նախագահ Շուշան Դոյդոյանը. - Շատ զարմանալի է, որովհետեւ այսօր ընդհանրապես ցանկացած կազմակերպություն ավելի շահագրգռված է, որ հնարավորինս շատ մարդ իրենց մասին իմանա: Մինչդեռ այս հկ-ները փորձում են ստվերում մնալ: Նույն հկ-ները երեք տարի շարունակ ֆինանսավորում էին ստացել: Դրան հաջորդեց նաեւ լրագրողների մյուս բացահայտումը, որ դրանք հենց այդ նույն տարում են հիմնադրվել եւ ֆինանսավորում ստացել, ինչը նույնպես հակասում է ֆինանսավորման սկզբունքներին:

29.04.2013 - Առցանց լրատվամիջոցները քարոզարշավը ներկայացնում են նույնական. հետազոտություն

Ինֆորմացիայի ազատության կենտրոն և Կովկասյան ինստիտուտ հասարակական կազմակերպությունները իրականացրել են Երևանի 2013թ.–ի ավագանու ընտրություններին մասնակից կուսակցությունների նախընտրական քարոզարշավի լուսաբանման վերլուծություն, որի արդյունքում հանգել են եզրակացության, որ առցանց լրատվամիջոցները քարոզարշավը ներկայացնում են նույնանման և առանց ուշագրավ առանձնահատկությունների գրանցման:

19.04.2013 - Կոռուպցիան այնպես, ինչպես կա

Ֆինանսների նախարարությունն "Ինֆորմացիայի ազատության կենտրոն" ՀԿ-ի պահանջով տեղեկանք է տրամադրել, որից տեղեկանում ենք, որ ՀՀ նախագահի աշխատակազմը 2010-2013թթ. ընթացքում ՀԿ-ների ֆինանսավորման համար պետական բյուջեից նախատեսել է շուրջ 500 մլն ՀՀ դրամ, եւ 31 ՀԿ երեք տարվա ընթացքում ստացել է 499 միլիոն 818 հազար ՀՀ դրամ պետական ֆինանսավորում:

03.04.2013 - Հայաստանի ֆուտբոլի ֆեդերացիան պարտավոր է պատասխանել 5 օրում

ԻԱԿ-ը քաղաքացի Աշոտ Մնացականյանի խնդրանքով գրավոր հարցում է ուղղել Հայաստանի ֆուտբոլի ֆեդերացիայի նախագահ Ռուբեն Հայրապետյանին՝ պարզաբանելու, թե ինչու՞ Մնացականյանը, տոմս ունենալով հանդերձ, չի կարողացել դիտել Հայաստան-Չեխիա ֆուտբոլային խաղը:

17.12.2012 - Որքա՞ն են ծախսում գերատեսչությունները պաշտոնական հյուրասիրությունների վրա

Ինֆորմացիայի ազատության կենտրոնը հարցումներով դիմել էր նախագահի աշխատակազմին, Ազգային ժողովին եւ բոլոր նախարարություններին՝ փորձելով պարզել, թե պաշտոնական հանդիպումների ժամանակ տրվող հյուրասիրությունների վրա որքան գումար է ծախսվում:

14.12.2012 - Արդարացված են արդյոք գերատեսչությունների կայքերի վրա կատարված ծախսերը

2009, 2010 եւ 2011 թվականներին ՀՀ 18 նախարարությունների, Ազգային ժողովի, Երեւանի քաղաքապետարանի եւ կառավարության համար 108 կայքեր են ստեղծվել, վերամշակվել եւ սպասարկվել` մոտ 101 մլն դրամ եւ 10.300 ԱՄՆ դոլար ընդհանուր արժողությամբ: