Ինֆորմացիայի ազատության կենտրոն

Տեղեկատվության եւ հասարակայնության հետ կապերի բաժնի 76 պաշտոնյա մասնակցեց Ինֆորմացիայի ազատության կենտրոնի եւ Քաղաքացիական ծառայության խորհրդի կողմից կազմակերպված տեղեկատվության ազատությանը վերաբերյալ ուսումնական դասընթացներին։

Ուսուցմանը մասնակից բոլոր պաշտոնյաները նշել են, որ իրենք շատ են զգում տեղեկատվության ազատության օրենսդրության իմացության անհրաժեշտությունն իրենց պրակտիկայում։ Մեծ մասը նաեւ նշել է, որ նման դասընթացները պետք է անցկացվեն պարբերաբար՝ առավել մեծ արդյունավետություն ապահովելու համար։ Ցանկություն էր նաեւ հայտնվել, որ նման դասընթացների մասնակցեն նաեւ որոշում կայացնողները եւ ոչ միայն կատարողները։

Մասնակից 76 պաշտոնյաները բաժանվել են 3 խմբի` յուրաքանչյուրում մոտ 25-ական մասնակից: Յուրաքանչյուր խումբ մասնակցել է 1.5 օրյա դասընթացի` օրական շուրջ 8 ժամ տևողությամբ: Դասընթացներն անց են կացվել մայիսի 5-6; 12-13 և 21-22 Աղվերանում։ Բոլոր մասնակիցներին տրվեցրին վկայականներ՝ ստորագրված ԵԱՀԿ դեսպանի, Քաղաքացիական ծառայության խորհդրի նախագահի եւ ԻԱԿ նախագահի կողմից։

Վերապատրաստումն իրականացվել է համաձայն «Տեղեկատվության ազատությունը և հասարակության հետ կապերի ապահովումը կառավարման համակարգում» վերապատրաստման ծրագրի: Ծրագիրն իրականացվում է ԵԱՀԿ Երևանի գրասենյակի աջակցությամբ Իտալիայի կառավարության ֆինանսավորմամբ: