Ինֆորմացիայի ազատության կենտրոն

Ինֆորմացիայի ազատության կենտրոնը Հայաստանում առաջին հասարակական կազմակերպությունն է , որ հրապարակայնացնում է ՀՀ պաշտոնատար անձանց եկամուտները եւ վերլուծության միջոցով հանրությանը ներկայացնում, թե ՀՀ բարձրաստիճան պաշտոնյաները նախորդ տարիների համեմատ որքան եկամուտ են ունեցել, ինչ գույք են ձեռք բերել եւ այլն:

2006թ.-ից մինչ օրս ամեն տարի ԻԱԿ-ը ՀՀ պետական եկամուտների կոմիտեից ստանում է բարձրաստիճան պաշտոնատար անձանց՝ նախարարների, մարզպետների, դատավորների գույքի և եկամուտների հայտարագրերում ներառված հրապարակման ենթակա տվյալները, հրապարակում է դրանք իր պաշտոնական ինտերնետային կայքում՝ http://www.foi.am/hy/declarations/, վերլուծում է այդ տվյալները, ինչպես նաեւ՝ համեմատում նախորդ տարիների տվյալների հետ եւ հրապարակում: