Ինֆորմացիայի ազատության կենտրոն

Քանի որ Լենուղու գյուղապետարանը մինչ դատական նիստի օրն արդեն իսկ տրամադրել էր ԻԱԿ-ի պահանջած տեղեկությունները, ուստի, ԻԱԿ-ը դատարանում հրաժարվեց իր հայցապահանջից:

Տալվորիկի գյուղապետարանը եւս մինչ դատական նիստի օրը պատասխան էր ուղարկել ԻԱԿ-ին՝ տեղեկացնելով, թե պահանջվող տեղեկություններին կարող եք ծանոթանալ Արմավիրի մարզպետարանի ինտերնետային կայքից: Դատարանում Տալվորիկի գյուղապետը 3 օր ժամանակ խնդրեց` ճշտելու համար, թե որն է իր պաշտոնական գրության մեջ նշված ինտերնետային կայքի հասցեն, որտեղից եւ պետք է ԻԱԿ-ը ստանա պահանջվող տեղեկությունները: Ստացվում է՝ համայնքապետին 3 օր էր անհրաժեշտ մարզպետարանի ինտերնետային կայքի հասցեն ճշտելու համար:

Հիշեցնենք, որ ԻԱԿ-ը Տալվորիկի գյուղապետարանից պահանջել էր`
1. Համայնքի 2008թ. բյուջեի պատճեն, ինչպես նաեւ դրա կատարման հաշվետվությունը,
2. 2008թ. 2-րդ կիսամյակի ընթացքում հողհատկացումների վերաբերյալ համայնքի ավագանու կայացրած որոշումների պատճեները: