Ինֆորմացիայի ազատության կենտրոն

«Թափանցիկ, մատչելի և հաշվետու գնումներ/TAAP» ծրագրի շրջանակում Ինֆորացիայի ազատության կենտրոնը ապրիլի 21-13-ը (10:00-17:00) Երևանում կազմակերպում է կարողությունների զարգացման եռօրյա ավճար դասընթաց գործարար համայնքի ներկայացուցիչների համար։

Դասընթացի թեմատիկ շրջանակը

Եռօրյա դասընթացն անցկացվելու է Երևանում օրական 6 ժամ զբաղվածությամբъ ժամը 10:00-17:00։ Թեմատիկ համառոտ շրջանակը՝

• Ինչպե՞ս ծանոթանալ ՀՀ-ում տեղի ունեցող գնումների բոլոր հայտարարություններին և հրավերներին,
• Ինչպե՞ս որոշել մասնակցության գինը․ շուկայի ուսումնասիրություն, ինքնարժեքի կազմում, պատվիրատուի նախահաշվային գնի ճշտման ուղիներ,
• Գնման ընթացակարգերին մասնակցության ապահովման նպատակով մասնակիցների մրցույթի հայտերի պատրաստման գործընթաց,
• Մրցույթի մասնակցության հայտերի ներկայացում թղթային և էլեկտրոնային համակարգերով (ARMEPS, E-AUCTION),
• Մրցույթի արդյունքում առաջին տեղը զբաղեցրած մասնակցից պահանջվող փաստթղթերի նախապատրաստում:

Դասընթացը վարում է TAAP համընկերության դասընթացավար, պետական գնումների փորձագետ, «Գործք» հոլդինգի ղեկավար Արմեն Սարգսյանը։

Մասնակցության պայմանները

Դասընթացը նախատեսված է գործարար համայնքի ներկայացուցիչների համար։ Դասընթացին կարող են մասնակցել ինչպես արդեն պետական/համայնքային գնումների մասնակցության փորձ ունեցող բիզնես կառույցների ներկայացուցիչները, այնպես էլ դեռևս փորձառություն չունեցողները։ Մասնակիցների քանակը սահմանափակ է, ուստի մասնակցության հնարավորություն կստանան առաջին գրանցվածները։

Ուշադրություն։ Ծրագիրը հոգում է մարզերից ժամանած մասնակիցների ճանապարհածախսը, կացության հետ կապված ծախսերը չեն փոխհատուցվում։ Դասընթացի օրակարգն ու մասնակցության մանրամասները կներկայացվեն գրանցված մասնակիցներին։

Գրանցման պայմանները

Գրանցվելու համար անհրաժեշտ է մինչև սույն թվականի ապրիլի 19-ը ներառյալ ուղարկել մասնակիցի տվյալներով (անուն ազգանուն, ընկերության անվանում, պաշտոն, էլ․ հասցե և հեռախոսահամար)էլեկտրոնայաին նամակ Ինֆորմացիայի ազատության կենտրոն foi@foi.am հասցեով, կամ զանգահարել 094 700 974 հեռախոսահամարով։

Մասնակիցները կարող են գրանցվել նաև առացանց եղանակով՝ լրացնելով հետևյալ հարցաթեթը։ Գրանցման հարցաթերթի հղումը՝ https://forms.gle/PJGaVWrxEdC8DDcHA։

———————————————————————
«Թափանցիկ, մատչելի և հաշվետու գնումներ» (TAAP) ծրագիրն իրականացվում է «ՀԿ Կենտրոն» քաղաքացիական հասարակության զարգացման հասարակական կազմակերության (ՀԿ Կենտրոն) առաջնորդությամբ և «Ինֆորմացիայի ազատության կենտրոն» (ԻԱԿ) և «Համայնքը և երիտասարդները» երիտասարդական և խորհրդատվական հասարակական կազմակերպությունների հետ գործընկերությամբ կազմված կոնսորցիումի միջոցով «Տվյալներ հաշվետու և թափանցիկ գործունեության համար» (ԴԱՏԱ) ծրագրի շրջանակում՝ ԱՄՆ Միջազգային զարգացման գործակալության աջակցությամբ։